جرعة المضاد الحيوي فى الأطفال

كيفية حساب جرعة المضاد

 الحيوي فى الأطفال

هتكلم هنا كمثال للتطبيق لا للحصر لانه وما اكثر المضادات الحيويه ولكن

اشهر مثال للمضادات الحييويه واللى بتطلع كتير ك OTC من الصيدليه وبنشوفها كتير ف عيادات الاطفال الا وهى مجموعه

ال amoxycillin + calvulinic acid

ودا طبعا Top واهم فرد من عائله البنسللين العمده بتاعم يعنى وكبير العائله

ف الاول كدا عود نفسك ان هذه المجموعه تتميز بالصفات الاتيه

‫ ‏اولا بتتاخد كل 8 ساعات مش 12 لان 12 مش هتلاقى نتيجه مطلوبه

‫ ‏ثانيا كمان بتتاخد لمده اقلها 5 ايام واكثرها 10 ايام احنا بنقول دايما ف المتوسط لمده 7 ايام

‫ ثالثا جميله جدا ف حالات التهابات الحق واللوز او Upper resp infection

لانها اصلا اصلا بتشتغل ضد  mainly against gram positive bacteria

بس كدا تمام .. تمام

‫ ‏ندخل بقى ع المهم

خلى بالك ف الاول هذه المجموعه الamoxycillin + calvulinic acid  منتشره اوى ف السوق بتركيزات مختلفه وع صور مختلفه من شراب او بودر كمان

وايه الفرق بقى بين syrup وبين susp

المعلق يعنى ﺍﻟﻌﻠﺒﺔ ﻓﻴﻬﺎ ﺑﻮﺩﺭﺓ ﻭ ﻣﻌﺎﻫﺎ ﻣﻴﻪ ﻭ ﺍﻷﻡ ﺑﺘﻤﻼ ﺍﻟﻌﻠﺒﺔ ﻣﻴﻪ لغايه ﻋﻼﻣﺔ ﻣﻌﻴﻨﺔ ﻣﻮﺟﻮﺩﺓ ع العلبه ﻭ ﺑﻌﺪﻳﻦ ﺗﻔﻀﻞ ﺗﺮﺟﻬﺎ وتديها للطفل

ﺃﻣﺎ ﺍﻟﺪﻭﺍ ﺍﻟﻠﻰ ﺑﻴﻜﻮﻥ ﺟﺎﻯ ﻣﻌﻤﻮﻝ جاهز وبنديه ع طول للطفل بيسمى  syrup

تمام كدا .... تمام

 ندخل بقى ع الاهم  

افراد هذه العائله ف السوق باسمائها التجاريه ومترتبه تبعا لشهرتها الا وهى

الاشهر والاغلى فيهم ع الاطلاق  augmentin

وفيه تركيز 156 و 312

تانى فرد مشهور بعد الاوجمنتين وهو  curam

وفيه تركيزات

 156 457 و 312

اما بقى تالت فرد مشهور بعد الكيورام والاجمنتين وهو  hibotic

فيه تركيزات  312 و 156

والباقى مهمين وكويسين جدا لكن شهرتهم واحده والاقل خروجا ف الروشتات ذى

ال Magna biotic

وفيه تركيز و 312 و 156

وال mega mox

فيه تركيزات 228 و 457

وال E-moxclav

فيه تركيزات 312 و 156

 ندخل بقى ع الاهم اكتر

وخليك ماشى معايا بالترتيب وبالخطوات اللى جايه فيها الخلاصه ان شاء الله

‫ ‏اول خطوه

الا وهى جرعه هذه المجموعه كلها احنا بنحسبها

وdose  بتاعتها من 60 الى 90 ملي جرام لكل كيلو جرام في اليوم يعنى الجرعه هنا هتطلع بالمللى جرام وكمان دى تعبتر جرعه اليوم كله وبعدين بنقسمها ع 3 لانه بيتاخد كل 8 ساعات

احنا بنحسب ع الرقم 60 ده لو الحالة  mild

وال 90 لو الحالة  severe  

وبنستخدم حوالي الرقم 75 بين الرقمين يعنى دا لو كانت الحالة  moderate

يبقى كدا عرفت اول خطوه هعملها ومثال صغنون للتوضيح

طفل 10 كيلو وكانت الحاله بتاعته بسيطه يبقى

هضرب 10 كيلو ف الرقم 60 لانها بسيطه هيطلع ب 600 مللى جرام وذى ما قولت دى تعتبر الجرعه اللى هياخدها الطفل ف اليوم كله وبالتالى مضطر اقسمها ع 3 علشان احسب الجرعه اللى هياخدها ف المره الواحده وهتطلع ف المثال دا 200 مللى جرام ف الجرعه الواحده كل 8 ساعات

‫ ‏تانى  خطوه

عرفت دلوقتى الطفل 10 كيلو هياخده ف الجرعه الواحده حوالى 200 مللى جرام ودى هثبتها ف المثالين اللى هقولهم تحت تمام كدا

طيب عايز احول ال 200 مللى جرام دى الى السم المكعب او المللى لتر الموجود ع السرنجه

يعنى ببساطه املى واعاير السرنجه لغايه كام واديها ف فم الطفل بسيطه ان شاء الله

علشان اقولك كدا

محتاج اقولك طبعا تانى وتالت كمان

ان ﺃﻏﻠﺐ المضادات الحيوية ﺑﺘﻜﻮﻥ بتركيزات مختلفه

وكل الادويه واغلبها سواء بودره او شراب هتلاقيها مكتوبه فيها بعد رقم التركيز وليكن هختار الرقم 156 ع طول مكتوب

 156  ف الرقم 5 والرقم 5 بيمثل الكميه الموجود فيها التركيز

ببساطه اكتر

لو المضاد الحيوى ابو تركيز 156 اتفقنا هتلاقى مكتوب ف الرقم 5

يعنى لو اخذت معلقه من الدواء اللى هى 5 سم كانى اخذت 156 من الماده الفعاله

بس كدا تماام

‫ ‏تالت خطوه

يبقى انا كدا فهمت من الخطوه التانيه

ان كل 5 مللى لتر من الدواء هتلاقى فيهم مثلا 156 من الماده الفعاله

يبقى كام من الدواء لو اخذته هحصل ع 200 اللى حسبتها فوق خالص

معادله طرفين ووسطين

اطلع وثبت المعادله دى

الجرعه الواحده بالمللى لتر واللى هعايرها ف السرنجه واديها ع طول للطفل تساوى

الجرعة اللى حسبتها بالمللى جرام واللى طلعت ف المثال فوق 200

ثم نضربها في الرقم خمسة وهى الكميه الموجود فيها اغلب تركيزات المضادات الحيويه الشراب  اللي هي خمسة ملي لتر   

ثم نقسم الناتج على تركيز الدواء اللي هو 156 مثلا او اى تركيز موجود عليه الدواء

يبقا

هنقول

 200  في 5

والناتج نقسمه على 156

هيطلع ف النهايه

6.4  سم

يتاخدوا بالسرنجة يعني الطفل ده هياخد 6.4 سم يعنى بالتقريب 6.5 سم كل 8 ساعات لمده اسبوع

‫ مثال اخر

للتوضيح اكتر واكتر

بردو نفس الطفل 10 كيلو ولكن هديله مثلا دواء اوجمنتين تركيز 312

نفس الامر

الطفل ده محتاج في الجرعة

200  ملي جرام ذى ما قولت فوق واللى محتاج احولها الى الملى لتر

هنضرب 200 في خمسة   اللي هما خمسة ملي لتر

ونقسم على التركيز اللي هو 312

يطلع الناتج

3.2  سم كل تمن ساعات بالسرنجه بعد ما اشيل منها السن طبعا لمده اسبوع

______________

اتمنى تكون الطريقة وصلت للجميع واسالكم الدعاء

‫د/ بدر