الكولوفرين Coloverin

كلامنا النهارده ان شاء الله عن الكولوفيرين

فيه أربعة أنواع من الكولوفرين Coloverin عندك فى الصيدلية  :

Coloverin tab

Coloverin SR cap

Coloverin A tab

Coloverin D tab

ايه الفرق بينهم؟!

ــــــــــــــــــــــــــــ

تعالوا نعرف مع بعض

النوع الأول :

Coloverin tab   العادية

وده بيحتوي على مادة الميبيفرين Mebeverin بتركيز 135 مجم ودي مادة لعلاج تقلصات الجهاز الهضمي عموما والأمعاء خصوصا وليست لها أعراض جانبية كالأتروبين وأقوي منه كتير 

وجرعته ‫قبل الأكل بنص ساعة 3 مرات في اليوم 

النوع ‏الثاني :

Coloverin SR cap

وده بيحتوي على ميبيفيرين Mebeverin ولكن بتركيز200 مجم بدلا من 135 مجم 

ولكنه SR ممتد المفعول  (sustained release)

وعلشان كده جرعته مرتين يوميا فنسهل على المريض شوية ويكون اكثر قبولا بدل ما ياخده 3 مرات ياخده مرتين بس

النوع ‏الثالث :

Coloverin D tab

وده بيحتوي بالاضافة الي الميبيفيرين على مادة اسمها dimethicone

وهي مادة لعلاج الانتفاخات 

يبقى نستخدمه لما يصاحب المغص انتفاخ أو امتلاء في البطن وده غالبا بيحصل في حالات القولون العصبي أو التهابات المعدة أو الأمعاء  

النوع ‫‏الرابع  :

Coloverin A tab

في الحالة دي مادة كلورديازيبوكسيد  Chlordiazepoxide هي اللي بتبقى موجوده مع الميبيفرين  

وهى دى المادة الرئيسية في ال Librax الشهير والمادة دى بتعمل على تهدئة التوترات العصبية وتنتمي الي مجموعة البنزوديازينيز المهدئة

النوع ده من الكولوفيرين بيستخدم في اضطرابات الجهاز الهضمي المصحوبة أساسا بالتوتر والقلق زي القرحة المعدية او قرحة الاثنى عشر والقولون العصبي  

يستخدم بردوا قبل الأكل بنصف ساعة 3 مرات 

بس كده