تسنين الأطفال

مش كل ما الطفل يجيلة سخونيه او اسهال او غيره نقول انه ‫‏بيسنن ونسيبه ..

‫‏المقال الكامل

‫‏معتقد خاطئ يجب تصحيحه وهو : ان التسنين بيسبب للطفل حمي او اسهال او غيرة من الاعراض .. الكلام ده غير صحيح

من مقال نشر في journal pediatrics بتاريخ 18 فبراير 2016 ...

المقال بيحاول ‫يصحح المعتقد الخاطيء بان ‫‏التسنين ممكن يسبب للطفل ‫‏حمي او ‫‏اسهال او غيرة من الاعراض ..

وده علي اساس ‪‎analysis ذكرت في المقال واللي وجدوا فيها ان التسنين عند الاطفال مبيسببش اكتر من ان الطفل يبقي متضايق شوية وان اللعاب ينزل من الفم بشكل اكتر وان الطفل يبدا يعمل rubbing او يفرك في اللثه اللي قد تكون فيها شوية irritation ..

ومع ان بعض الاطفال ممكن يحصلهم ارتفاع طفيف في درجه الحرارة الا ان التسنين نادرا مايسبب حمي او ارتفاع في الحرارة لاكثر من 38 درجه

وبالتالي فالاعتقاد الخاطيء بان اي حمي او اسهال او غيرة والطفل بيسنن سببه هو التسنين .. بيخلي الاباء يتلخبطوا ويتجاهلوا الاعياء اللي حاصل عند الطفل واللي في الغالب بيكون نتيجه عدوي واللي بيكون الطفل اكتر عرضه ليها اثناء التسنين نتيجه انه بيحط كل حاجه في فمه ..

" at the age where teeth are erupting, babies are also being bombarded by ‪ ‎infections"

والاعتقاد الخاطيء دا بيخليهم ميراجعوش الطبيب مما قد يؤثر علي صحة الطفل ..

لو الطفل بيسنن وجاله اي عرض من الاعراض دي .. مينفعش نقول انها من التسنين :

1- قرح او بثور حول الفم

2- فقدان في الشهيه

3- اسهال

4- حمي (اكتر من 38 درجه سيليزية )

لو الاعراض دي مخفتش سريعا .. لابد من التوجه الي طبيب الاطفال .

كمان من الحاجات اللي اشار اليها الاطباء في المقال الي انه من الافضل عدم استعمال الجل الموضعي او المنتجات اللي مكتوب عليها natural products for teething

وممكن بدلا عنها للتخفيف علي الطفل اعطاءة عضاضه teething ring وتعطي للطفل بارده .. وكمان اعطاء الطفل بعض الاطعمه المبردة ممكن يساعده ..

‫‏الرسالة :

جالك حد بيقولك يادكتور ابني سخن او عنده اسهال وقالك ان الطفل بيسنن .. فهمة ان الحاجات دي مش سببها التسنين زي ما معظم الناس فاكرة .. التسنين مبيسببش اكتر من ان الطفل يبقي متضايق شوية واللعاب عنده ينزل زياده .. وانه يبدا يفرك في اللثه و يحط اي حاجه في بقه وده ممكن يثببله عدوي تعمله اسهال او حمي وفي الوقت ده لازم تراجع طبيب الاطفال ..

وطبعا لازم تقول للاب او الام ان من الحاجات اللي بتخفف علي الطفل التسنين هي العضاضه واللي من الافضل تديها للطفل بارده

الطفل نام اغسلي العضاضة وحطيها في باب التلاجه علشان لما يصحي تديهاله بارده وكمان الاكل المبرد بدرجه بسيطه ..