زيادة الكحة ليلا

بمناسبة الكحة اللي منيمتنيش طول الليل وخلتني مروحش الشغل

استغربت جدا ان ممكن تكون بتاخد ادوية للكحة وتحس ان الكحة قلت طول اليوم

لكن مجرد ما تحط دماغك على السرير وتبتدي الكحة وكأنها حالفه عليك ما تنام 

المهم قولت انا لا يمكن اسكت على اللي بيحصل دة والا مش هروح الشغل كل يوم والمديرة ترفدني

المهم بقى طلع في اسباب علميه لزيادة الكحة ليلا ..

اولا الكحة بتزيد ليلا بفعل الجاذبيه ..لانه لما بننام على السرير دة بيخلي

postnasal drainage and mucus you swallow during the day

بيتجمع كله في الحلق والجهاز التنفسي وطبعا احنا عارفين ان الكحة رد فعل علشان تحاول تنضف ال airways

ونتيجة لكدة طبعا بتحصل الكحة

فالحل ان عند النوم ننام على عدد مخدات اكتر تحت الدماغ

وعلى فكرة دة سبب حدوث الكحة عند

مرضى ال acid reflux نتيجة انه لما بينام دة بيخلي ال

acid wash into your lungs

ولذلك بننصح مرضى ال 

GERD 

Gastroesophageal Reflux Disease 

انهم يناموا على حاجة عاليه

وكمان دة نفس سبب حدوث الكحة وضيق التنفس عند مرضى ال

congestive heart failure

نتيجة ان هما بيكونوا بيعانوا من edema وعند النوم دة بيخلي المياه تتجمع وتضغط على الرئة

فبننصحهم عند الليل يناموا على عدد اكبر من المخدات فيحصل ان

The water collects in the lower lung fields and does not affect breathing

ثانيا لو كنت بتنام في مكان مغلق وجاف دة بيخلي الكحة تزيد فالافضل النوم في مكان جيد التهوية

مش زي عندنا  دة انا اول ما حسيت بالكحة خوفت من البرد وقفلت كل شبابيك الاوضة 

المهم بقى علشان نخفف من موضوع الكحة اللي بتيجي بليل دي مع استبعادنا ان الكحة دي عرض لمرض معين

يعني مش بسبب مرض زي ارتجاع المرئ ولا بسبب ادوية زي ال ACE Inhibitors او نتيجة ان العيان بيعاني من  asthma

يعني لو كحة نتيجة برد او مجرد كحة بسيطة  :

اولا : زي ما قولت النوم على مخدات عاليه شوية

ثانيا : نهوي مكان النوم

ثالثا : عدم النوم تحت مروحة او تكييف طبعا

رابعا : يكون المكان اللي نايم فيه نضيف وبمعنى اصح مفيهوش تراب

خامسا : تخلي جنبك كوبايه مياة مجرد ما تحصل الكحة قوم اشرب لان المياة دي هتنضف الحلق

سادسا : قبل النوم اتمضمض بمياه دافيه وملح لانها ليها دور كبير فى تطهير الحلق تماما

سابعا : تناول ملعقه عسل قبل النوم اللي اولا هيلطف الجهاز التنفسي وثانيا هيطهره

ثامنا : طبعا تشرب سوايل دافيه على مدار اليوم

تاسعا : تاخد الدوا المناسب ليك في مواعيده قبل النوم

سواء كانت كحة ببلغم فهتاخد حاجة تدوبه

ولو كانت كحة ناشفة فهتاخد حاجة مهدئة للكحة

وادوية الكحة يطول شرحها

عاشرا : تاخد حاجة تسلك الانف لو كانت مسدودة زي نقط الانف ..لان التنفس من الفم بيزود الكحة جدا 

وبيلهب الحلق

------

.....

اجعل النهاية السعيدة حاضرة في ذهنك واحرص في كل يوم أن تعمل كي تقترب منها

 ريان اليس