كيف تقرأ تحليل صورة الدم CBC

كيف تقرأ تحليل صورة الدم CBC 

من أهم الموضوعات اللى لازم أى مهتم بالتحاليل يعرفها ; وهو إزاى تقرأ تحليل صورة الدم CBC

..

لازم تربط بين الكلينكال داتا

اللى بيشتكي منها المريض وبين الأرقام اللى شايفها ف التحليل 

...

===========

التحليل فيه 3 مكونات أساسية :

كرات الدم الحمراء RBCs

ودى نسبتها

4.5 : 6.5 مليون ف ال males

و 3.8 : 5.8 فى ال females .

..

كرات الدم البيضاء WBCs ودى بتكون من 4000 الى 11000

والصفائح الدموية Platlets ودى بتكون من 120 الف الى 

450 الف

عينك ف الأول هتحطها على التلات مكونات دول وبعدين هتبدأ تشوف التفاصيل

قدامك 3 احتمالات : إما زيادة ف ال 3 مكونات مع بعض وإما نقص فى ال 3 مكونات مع بعض وإما حالات فردية سواء 

بالزيادة أو النقص !

الإحتمال_الأول : لو لقيت ال 3 مكونات

(RBCs & WBCs &Platlets) زيادة عن النورمال

دى هتكون حالة Polycycemia Rubra Vera

..

لكن لو لقيت ال RBCs لوحدها هيا اللى زيادة

دى هتكون حالة 2ry polycycemia .

========================

الإحتمال_الثانى :

لو لقيت ال 3 مكونات قليل عن النورمال

دى هتكون حالة pancytopenia

..

ولازم عينك بعدها تتجه الى ال reticulocytes

لو لقيتها قليله دى حالة Aplastic anemia

واطلب منه يعمل bone marrow aspiration

..

ولو لقيتها كتيرة دى هتكون حالة hypersplenism

================

كدا احنا عرفنا التشخيص

لو زيادة ف ال 3 مكونات

وعرفنا التشخيص لو نقص ف ال 3 مكونات

..

تعالوا بقى نتكلم على

الإحتمال_التالت

وهو الحالات الفردية ونقول بسم الله :

.أول إحتمال انك تلاقى ال RBCs قليلة

ولكن ال WBCs وال Platlets نورمال كدا

دى حالة انيميا واتأكد من نسبة الهيموجلوبين

والطبيعى بيكون

13 : 18 فى ال males

و 12 : 16 ف ال females

..

لكن هناك سؤال : ما نوع الأنيميا ؟؟؟

عشان تعرف نوع الأنيميا

لازم عينك تنزل على ال RBCs indices : وهتلاقى عندك 3 حجات :

اما ال "MCV "mean corpscular volume : الطبيعى بيكون من 80 : 95

تانى حاجة ال "MCH "mean corpscular hemoglobin ودى النورمال بتاعها 27 : 31

تالت حاجة ال "MCHC "mean corpscular hemoglobin concentration

ودى النورمال بتاعها من 32 : 36

كدا قدامنا 3 احتمالات :

..

اما التلات حجات دول أقل من النورمال

وساعتها هتكون Microcytic hypochromic anemia

..

واما التلات حجات دول أكتر من النورمال

وساعتها هتكون Macrocytic anemia

..

واما التلات حجات دول نورمال وساعتها هتكون Normocytic anemia

..

طيب بفرض ان ال MCH & MCV & MCHC أقل من النورمال :

كدا عندنا احتمال من 4 :

..

-اما أنيميا نقص حديد

ولازم عينك تنزل على ال Esinophiles

وساعتها لو لقيتها عالية غالبا هتكون عنده دودة الانكلستوما

فلازم تعالجها عشان بتعمل chronic blood loss .

..

-واما Sidroblastic anemia

وتفرقها عن أنيميا نقص الحديد بال Iron profile :

هتلاقى ال serum iron قليل ف انيميا نقص الحديد

..

ولكن ف ال sidroblastic anemia

هتلاقى ال serum iron عالى !!

..

-الاحتمال التالت هو ال thalassamia :

ودى بالاضافة انها بتتعرف بال clinical diagnosis

لكن هتطلب Hb electrophoresis

وعلى حسب النوع سواء كانت major or minor

هتشوف ال Hb A وال Hb F وال Hb A2

..

ف ال thalathamia major

هتلاقى ال Hb A قليل وهتلاقى ال Hb F عالي

..

ف ال Thalathamia minor هتلاقى ال Hb A2 عالي .

..

والعلاج بوجه عام بيكون blood transfusion

مع iron chelator وأوعى تديله حديد !!

..

الإحتمال الرابع والأخير هو ال Anemia of chronic disease

ودى علاجها هو علاج السبب .

============

طيب بفرض ان الأرقام دى "MCV & MCHC & MCH"

زيادة عن النورمال كدا هيكون عندنا Macrocytic anemia

وساعتها هتكون انيميا سببها نقص ال Vit.B12 او ال Folic acid

وعلاجها هو انك تدي الحاجة اللى ناقصة عنده .

============

طيب بفرض ان ال 3 حجات دول "MCV & MCHC & MCH"

ف حدود النورمال كدا هيكون عندنا احتمالين :

..

اما anemia of acute bleeding واما hemolytic anemia

الأولى anemia of acute bleeding هتستبعدها من الهيستورى

والتانية hemolytic anemia هتتاكد منها بانك هتلاقى ال reticulocyties عالية !!

..

وال hemolytic anemia انواع كتيرة

وكل نوع ليه clinical symptoms and signs مختلفه

لكن هتكلم عليهم من ناحية ال investigations :

..

عندك مثلا ال G6BD diffeciency anemia

نتأكد منها بحساب كمية الانزيم

..

وكمان ال spherocytosis

بنعملها ال osmotic fragility test

..

وكمان ال autoimmune hemolytic anemia بنعملها Combs test ;

..

كمان ممكن تكون sickel cell anemia

ودى هنعمل hemoglbin electrophoresis

هنلاقى Hemoglobin S عالى جدا .

الكلام دا كله لو لقينا ال RBCs قليلة

رغم ان ال WBCs نورمال وال Platlets نورمال .

==========================

تعالوا نتكلم عن تانى احتمال وهو انك تلاقى ال WBCs كتيرة :

هناك إحتمالان :

..

*أول إحتمال انك تلاقى ال WBCs كتيرة عن الطبيعى

وفى نقص ف ال RBCs وال Platlets كدا دى حالة Leukemia

هتسأل نفسك سؤال : دى Acute leukemia ولا Chronic leukemia ؟

..

الإجابة : هتبص ع ال blast cells

لو لقيتها أكتر من 30% تبقى acute leukemia

ولو لقيتها أقل من 30% تبقى chronic leukemia

..

طيب تانى سؤال :

لو Acute leukemia هل دى acute lyphoblastic leukemia "ALL"

ولا acute myeloblastic leukemia "AML"؟

..

هتبص على ال lymphocytes لو لقيتها كتيرة تبقى ALL

ولو ال Neutrophiles هيا اللى كتيرة هتبقى AML .

...

طيب تالت سؤال : لو Chronic leukemia

هل دى chronic lymphocytic leukemia

ولا chronic myleiod leukemia ؟

..

لو لقيت ال ال lymphocytes عالية

تبقى chronic lymphocytic leukemia

ولو لقيت ال neutrophiles عالية تبقى chronic myloid leukemia .

*تانى إحتمال انك تلاقى ال WBCs كتيرة عن الطبيعى

لكن ال RBCs وال Platlets نورمال : كدا دى حالة infection

..

لو ال neutrophiles عالية كدا دى bacterial infection

لو ال lymphocytes عالية كدا دى viral infection

ولو ال esinophiles عالية كدا حساسية من أى حاجة

وال monocytes بتزيد غالبا ف ال Glandular fever وبتاكد بال Paul bunnel test .

طيب ايه النورمال values بتاعت ال كل حاجة من دول ؟

ال neutrophles : 60

ال lymphocytes : 30

ال monocytes : 6

ال eisenophiles : 3

وأخيرا ال basophiles : 1

=============

تالت وآخر حاجة هنتكلم عليها هيا ال Platlets :

ودى لو قليلة عن النورمال هتبقى عندك thrombocytopenia

واتاكد بال bleeding time هتلاقيه أكتر من النورمال (يعنى أكتر من 7 دقائق)

..

ودى أسبابها اما نقص ال production

زي ف حالات ال bone marrow failure

..

واما زيادة ال destruction

زي ف حالات ال ITP "Idiopathic thrombocytopenic purpura"

..

انما لو لقيت المريض بيشتكى من bleeding disorder

وال platlet عددها نورمال كدا ممكن مشكلة اما ف ال function of platlets

زى ف ال Von willebrand's disease

..

او مشكلة ف ال coagulation زى ال Hemophilia A

بيحصل فيها نقص Factor 8

...

وأخيرا ممكن تكون المشكلة Vascular

والأشهر على الإطلاق هو ال Henoch Schonlein purpura .

أنا حاسس إنى طولت عليكو جاااامد بس فعلا الموضوع مهم وكان لازم يتشرح بإستفاضة وأهم شىء انك اول ما تمسك تحليل ال CBC اسال المريض عن ال Complain واعرف هو ليه عمل التحليل واعرف سن المريض .....وكمل الهيستورى

لأن دا عااامل مهم للوصول لل diagnosis الصحيح .

أتمنى تكونوا إستفدتم

أسألكم الدعااااااء